Uppgifter

40 ГОДИШЕН ЈУБИЛЕЈ 

Во еден период од 40 години, членовите на македонското друштво Гоце Делчев од Гетеборг, сплотени и единствени во сопствените идеали, несебично користејќи го своето слободно време, објективно и достоинствено ја презентираат македонската култура, традиција и обичаи во Гетеборг и пошироко.
  
Пред повеќе од 40 години, по пристигнувањето на поголем број на македонци, потиснати од носталгија со висока национална свест , полни со оптимизам, патриотизам и љубов кон родните огништа ги поставуваат темелите на денешното Македонско друштво „Гоце Делчев„.
Како културнa и спортска општествена организација МД „Гоце Делчев„ четири децении активно дејствува во повеќе свери на културно забавниот, информативниот и спортскиот живот во Гетеборг и пошироко, со волонтерско ангажирање на членовите, македонци, вљубени во својата национална култура и во се она што е македонско.
Четириесетгодишното успешно презентирање на македонските вредности, го прават друштвото Гоце Делчев едно од највредните, најпознатите и најценетите друштвени организации во диаспората и воопшто.
 
Првите организирани активности на друштвото беа фудбалските натпревари, во почетокот како екипа на „Волво„ а пота како секција на друштвото, која се натпреваруваше во градската лига. После тоа почнаа да се организираат игранки со македонска музика,  да се прикажуваат документарни и долгометражни филмови од домашна продукција и да се формираат разни секции на друштвото. Беа тоа првите чекори по една културна патека, долга 40 години.
Со вдомувањето во сопствените простории на Кортедала во декември 1976 година се реализираа потребите за активна работа на секциите и се овозможи средби на членовите во своето македонско катче.
На само неколку километри од Волво, во бродоградилиштето Арендал се формира уште еден фудбалски клуб под името Вардар. Па така со две македонски фудбалски екипи на едно спортско игралиште, со насочени спортски и навивачки ставови, конкуренцијата и посетеноста беше се поголема и помасовна.
 
Со цел за општо добро на сите македонци, за заедничко дружење и работење, на 12 декември 1979 година на заедничкото годишно собрание на овие две организации се постигна заеднички договор за здружување на Фудбалскиот клуб Вардар со Македонското друштво Гоце Делчев. После тој договор, двете фудбалски екипи се реорганизираат и делуваат како фудбалска секција на друштвото.
По неполна година од соединувањето, беа видливи резултатите на културно, спортско и просветно поле. Се зголеми бројноста на членовите на друштвото, вклучени во повеќе активности.
Фудбалската секција почна да се натпреварува со две екипи, фолклорната секција го зголеми бројот на фолклористи, а истовремено е формирана шаховска и пинг-понг секција, кои веднаш започнаа со својата дејност. Покрај овие секции, се формира младински актив и родителско наставнички совет, додека женскиот актив ја зголеми својата активност. И останатите членови кои не беа дирекно вклучени во секциите и активите си го најдоа своето место преку разните слободни активности во рамките на можностите и условиите на просториите.
Ваквото обемно зголемување на активностите, ја наметнаа потребата за поголеми и пофункционални простории. По упорното барање кај надлежните органи се зедоа други простории на Мендалсвеген.  И покрај тоа што географската положба на овие простории не беше најповолна за поголемиот број членови, во средите и неделите друштвото беше масовно посетено и се одвиваа повеќе активности.
 
Во осумдесетите години во просториите на Мендалсвеген, Друштвото ”Гоце Делчев” ги постигнува најголемите успеси во својата историја.
Фудбалската екипа покрај редовните натпревари во градската лига, победуваше на  многу турнири и купови, освојувајќи многу први места. Натпреварите на Кортедалаплан беа вистинско доживување.
Фолклорната секција едноставно се претвори во училиште за македонски фолклор каде што преку 400 деца од сите возрасти ги научија првите чекори на македонското оро, а многу од нив го усовршија и својот мајчин јазик.  Се уште се возбудуваме и гордееме на настапите на трите фолклорни групи на многубројните фестивали и приредби. Секојпат со нови игри, нови аплаузи и нови возбудувања.
Шаховската секција со своите три екипи се натпреваруваше во градската лига, организираше и учествуваше на повеќе шаховски турнири.
Пингпонгарите исто така се натпреваруваа во градската пинг-понгарска лига и на многу турнири.
Во организација на Родителско наставничкиот совет, делуваше ликовната, литературната и драмската секција и се организираа повеќе приредби, квизови и натпревари помеѓу децата.
Женскиот актив беше најдобро организираниот и највредниот актив помеѓу доселеничките активи во Шведска, а можеби и во диаспората воопшто.  Покрај своите редовни состаноци, активот организираше повеќе изложби, предавања, излети и многу други дејсности. Нивната активност беше присутна скоро во сите активности на друштвото.
Со текот на времето, повторно се почувствува потреба за промена на просториите. Овој пат се бараа простории во поцентралното градско подрачје на Гетеборг.
Во 1990 година се преселевиме со новопреуредените простории на Херкулесгатан. Активностите продолжија да се одвиваат со истото темпо, но по неколку години се почувствува економска криза како резултат на високата кирија за просториите. Кризата постепено почна да го ремети механизмот на целокупната работа на секциите и активите на друшвото.
Се појавија и првите „пукнатини„. Фудбалската секција незадоволна од ваквата состојба, побара спас во одделување од фамилијата Гоце Делчев и стана самостален фудбалски клуб. И повторно истата слика какао пред 18 години, ние и вие. Членството се подели а активностите полека го губеа својот интензитет. Економската состојба на друштвото суксесивно се влошуваше.
 
Во борбата со кризата постигнавме заенички договор со надлежните општински органи за надминување на проблемите, но овој пат го губиме „џокерот„ и се соочуваме со еден уште поголем и потежок проблем.
Имено, на 29 октомври 1998 година се случи тешка катострофална трагедија предизвикана од пожарот во просториите на друштвото. Членовите на друштвото беа тешко погодени од оваа катастрофа која им остави траги и горчина во душата.
После овие најтешко преживеани денови во историјата на друштвото, охрабрени и поттикнати од подршката на верните и достоинствени членови и надлежните комунални органи, друштвото Гоце Делчев релативно успева да ги надмине тешкотиите, да ги реактивира активностите и да обезбеди многу комфорни и функционални простории во населбата Бака.
По неколкумесечната адаптација на зградата за друштвена дејност, поточно  на 27 мај 2000 година на свечен начин се отворија новите простории во сопственост на друштвото.
 
Во изминатиот период, голем број на културно уметнички друштва, спортски екипи, естрадни и драмски уметници, поети, писатели, историчари и ТВ екипи, беа почестени со можноста да бидат гости на нашето друштво. Гости на друштвото беа и многу општествено политички и дипломатски лица од Македонија и Шведска, меѓу другите и  поранешниот премиер на Шведска, Ингвар Карлсон, долгогодишниот градоначалник на Гетеборг, Јоран Јохансон и многу други врвни личности. Друштвото има организирано и повеќе фестивали, концерти, игранки, поетски вечери, историски и научни предавања, изложби, а во соработка со Македонската амбасада и конзуларни денови за потребите на македонците од Гетеборг и пошироко.
Четириесетгодишната активност на друштвото Гоце Делчев, всушност е едена објективна реалност, успешен период што заслужува внимание и респект од македонската јавност во целина.
Овој јубилеј го славиме во знак на благодарност на сите досегашни членови на друштвото за нивниот допринос за конечниот успех.
Го бележиме овој ден за да им покажиме на идните генерации, какво наследство стекнуваат од своите предходници и се надеваме дека ќе знаат да го чуваат тоа богатство.
 
Пецо Атанасовски

Uppgifter

Управниот одбор ве информира и воедно ве поканува на следните настани:

КОКТЕЛ

На 08.09.2010 год. од 18.00 часот, по повод 40- годишниот јубилеј на Друштвото како и државноста на Р:Македонија ќе се организира КОКТЕЛ  во просториите на Друштвото.

ПОЛИТИЧКА ДЕБАТА

На 12.09.2010 год. од 18 до 20.00 часот ќе се одржи политичка дебата со кандидатите за пратеници во Риксдагот, Гунила Карлсон од Социјалдемократите и Јасенко Селимовиќ од Фолкпартијата.

ЈУБИЛЕЈНА ПРОСЛАВА

На 09.10.2010 год. во просториите на ФОРУМ Кортедала торг, од 18 до 01.00 часот ќе се организира ПРОСЛАВА посветена на 40-годишниот јубилеј на Македонското друштво „Гоце Делчев„. Програмата на прославата ќе биде збогатена со учество на екстрадните уметници од Македонија Елена Велевска и Стевче Стојковски. Ќе настапат и „Втора Генерација„ како и Фолклорнара и Хорската секција на Друштвото.

Добро сте дојдени

Uppgifter

Se ivestuvaat site ljubiteli na futbalot, kako i site posetiteli na webstranicata na Goce Delcev deka edinstvenata Makedonska ekipa FK Cementrnica 55, koja ke ja prestavuva

Makedonija na najgolemiot svetski mladinskiturnir vo futbal renomiraniot Gothiacup 2010 ke odigra dva priajtelski natprevari:

Petok  16 Juli vo 18:30 protiv ekipata na Tuve IF, i Sabota  17 Juli vo 14:00 protiv ekipata na Hisingsbacka FC.

Dvata natprevari ke se odigraat na Backavllen.Za onie koi ke gi sledat natprevarite

shemata e slednava: 

MatchnrKlassLagPoängDagTidSpelplats
1070 Boys 18 V. Frölunda IF  -  FK Cementarnica 55  N/A  Måndag 10:00 Skatås 1
1072 Boys 18 FK Cementarnica 55  -  USA Fire  N/A  Tisdag 09:00 Majvallen
1074 Boys 18 IK Grand Bodø  -  FK Cementarnica 55  N/A  Onsdag 15:00 Slottskogsvallen
Direktlänk till denna sida: http://spelprogram.gothiacup.se/lag/enskilt?id=28821
Za informacii kontakta Goce Grujoski 0708168354.

Uppgifter
Управниот одбор на Македонското друштво „Гоце Делчев„ на своите членови, како и на сите посетители на веб страницата "gocedelcev.com" им посакува пријатни годишни одмори.

Uppgifter

Грчкиот сојуз во Шведска гласаше против приемот на Македонскиот сојуз во членството на најголемата имигрантска организација во оваа земја - СИОС.

Од канцеларијата на СИОС објаснуваат дека Македонскиот сојуз ги исполнува сите критериуми за прием, но единствената пречка биле забелешките од грчките претставници околу името што го носи македонската имигрантска организација.

- Со одлуката да ја отфрли молбата на Македонскиот сојуз за прием во членството, СИОС практично ги погази сопствените клучни принципи за кои нашироко се залага - рече за „Дневник“ Јован Божиновски, претседател на Македонскиот сојуз во Шведска.

Ова е првпат да се блокира пристапот и учеството на Сојузот на македонските друштва и клубови во разгранетите форми на здружување во рамките на невладиниот сектор во земјата. Гласањето на годишните собранија на СИОС е со консензус, така што грчкото спротивставување било доволно да се блокира молбата на Македонскиот сојуз.

- Ќе реагираме на сите нивоа со писмо до владата, до надлежните органи за доделување на буџетски дотации и до медиумите. Сосема е јасно дека не можеме да се помириме со ваков третман во една земја со високи демократски стандарди - вели Јован Божиновски.

Македонскиот сојуз во Шведска е формиран во 1992 година и ги репрезентира интересите на 15-илјадната македонска заедница во таа нордиска земја. Во Македонскиот сојуз членуваат 12 друштва и клубови.

Од формирањето на македонската имигрантска сојузна организација во Шведска, сега првпат се оспорува нејзиниот статус и дејност врз база на името што го носи и под кое е регистрирана и признаена од страна на шведската влада и надлежните државни органи.

Во Шведска функционираат над педесет имигрантски организации, финансирани од буџетот, а 16 од нив, меѓу кои грчкиот, италијанскиот, српскиот, полскиот, иранскиот, турскиот и курдскиот сојуз, доброволно се обединети во СИОС, орган за соработка на етнички организации во Шведска.

Целта на СИОС е да ги обедини интересите на разните етнички групи во Шведска и со тоа да го зајакне нивното присуство на сите нивоа во општеството. Дејноста опфаќа три клучни подрачја: заштита на јазикот, културата и идентитетот, јакнење на демократијата и унапредување на рамноправноста и мултикултурализмот.

Ивица Челиковиќ
(Дневник)

Uppgifter

Во врска со многубројните прашања на иселеници од Македонија, кои освен државјанство на Република Македонија поседуваат и странско државјанство и на кои за излез од РМ им се бара исправа на Република Македонија, Агенцијата за иселеништво на РМ го достви следново соопштение:

Во согласност со Законот за пријавување живеалиште и престјувалиште (Сл. Весник на РМ бр. 36/92), а заради непречен влез-излез во РМ со странска патна исправа, во случај на непоседување на патна исправа на РМ, потребно е претходно иселениците да поднесат пријава со податоци за нивниот престој во странство подолго од 3 месеци, до Дипломатско-конзуларното претставништво во странство или во пограничната единица на Министерството за внатрешни работи во местото на нивното последно живеалиште или на самиот граничен премин при излез од Република Македонија.

Агенцијата за иселеништво го достави ова соопштение со молба за оваа законска обврска да бидат информирани иселениците од Македонија кои имаат намера ова лето да патуваат во Република Македонија.